Уордпрестің барлық блоггерлері, жазыңдар!

Сонымен, не жаңалық? «Оншекеңдегі» сияқты мықты жаңалық әзірге бізде жоқ. Аты-жөні Стивен Спилберг, Джеймс Кэмерон, Джон Ву, Роланд Эммерих сияқты әлемдік киноөндірістің әйдік режиссерлерімен ешқашан қатар аталуы мүмкін болмаса да, Алматыдағы қазір түнгі клубқа айналып кеткен «Қазақстан» кинотеатрында «Жаралы сезім» атты төрт жерінен тырнақшаға алынған шедеврдің авторы Еркін Рақышевтің әртүрлі быламық «шығармашылық» ойлар тудырушы идеялас серігі болған Жандос Құсайыновты айтып жатырмын. Кәдімгі «Онша емес жазулардың» глав врачы, ой, глав редакторы ше (достық 🙂 әзіл). Сол жігіт ұлды болды. Әлхамдулилла, бауы берік болсын!..
Сонымен не жаңалық? «Уордпреске» жәйлап қайта оралып жатырмыз. «Қазжурға» көшіп кетіп, қайта оралмадық – «көппен көрген ұлы той». Демек, оралман статусымен үй алуға мүмкіншілік жоқ. Деп қусақ, қуа береміз ғой. Тағы бір мәрте ассалаумағалейкум уа рахматуллахи уа бәрәкатуһ! Сәлем бердік, алмасаңыз, өзіңіз еркіңіз, он сауабым өзімде, Алла қаласа! 🙂
Сонымен, не жаңалық? «Өлмеген құлға Құдай-ай, болып та қалды енді жаз» деп әке-ата-бабам қазақ су тегін айтпаған сияқты, «жаз келді, бір демалайық» деп жүргенде күз де кеп қапты-ау, енді шамалы күннен кейін, о тоба! Блогсфера біртүрлі жетісіреп қапты. Бастаған істі бел ортадан тастаған дұрыс емес шығар. «Барлық елдің пролетариаттары бірігіңдер!» деген секілді, барлық блогшылар жазуды тоқтатпаңдар дегім келеді. Өзіме көп ап қойсам, бір мейірімшіл, мөлдіреген көзқараспен оқи салыңыздар.
Сонымен, не жаңалық? «Уордпресс» жабық тұрған шілде айынан естеліктер.

1. Шілденің жағымсыз оқиғасы – жұмыстан қуылдым. «Бәріне кінәлі – нәпсі» деген сияқты, бәріне кінәлі – сақал. Сақал болғанда да анау-мынау емес, белгілі бір кісінің телегеничный сақалы. Құрметті менің әріптестерім, естеріңізде болсын, жаным ашып ескертіп отырмын, енді ешқашан, ешуақытта, ешбір жерде сақалды адамнан сұхбат алмаңыздар. Эфирден сақал көрінгені – бізде сайтан көрінген сияқты қабылданады. Одан қайта Айқын Төлепбергенді немесе Мәдина Сәдуақасованы жағаласаңыздар екен. Қазір Қазақстанда поп-мәдениет өкілдерінен асқан ақылды екі аяқты тіршілік иесі жоқ қой (төрт аяқтылардың ішінде кездесуі мүмкін бірақ), не сұрасаң да, қысылмай, кідірмей, бәрін білетін ақылды адамның кейпіне еніп пікірін пергілей береді. Бірақ Нұрлан Абдуллинге жоламаңыздар, сақалы бар!

2. Шілденің жағымды жаңалығы – Асхат аға Еркімбай мен Руслан братишка Желдібай отау көтерді.
Келіншектерінің атын атап, түсін түстеуге правом жоқ. Әрі танымал адамдар өздерінің құпиясы көп адам сияқты көрінгенін қалайды ғой. 🙂

3. Шілденің онша емес күні – 31 шілде.
25-ке толдым. «Қартайдық, қайғы ойладық» «бір Құдайдан басқаның бәрі өзгермек».

4. Шілденің нашар жаңалығы – бензин қымбаттады.
Бензин қымбаттады деген сөз, онсыз да ештеңеге жетпейтін жалақы енді ваще жетпейді деген сөз. Адам сияқты ауыруға да ақша жоқ болады. «Өлейін десем, ақша жоқ» деген сияқты. Бензин қымбаттаса, жол ақысы қымбаттайды, нан қымбаттайды. «Билік басындағы ағалар қайда қарап отыр? Бәріне Назарбаев кінәлі!» (астапыралла).

5. Шілденің Ұлы қоныс аударуы – белгілі филолог-данышпан-жасандылықтанушы Мақпал әже Мадиярова Алматыдан Астанаға салқар көштің бетін түзеді. Көш қайырлы болсын, жасанды емес күйеу тап!

6. Шілденің нашар адамы – көлігімнің бұрынғы иесі.

7. Шілденің жақсы адамы – бір кісі. Өзі біледі. Или өзім бетіне айтам.

8. Шілденің бір күні – жұмысқа қайта шақырды. Қайтқан кадрда қайыр бар.

9. Шілденің қуанышты күні – бажалы болдым. Первый раз в жизни.

10. Шілденің не очень сапары – Шымкент. Зауыттардың бәрі тоқтап тұр. Мықты арнаның мықты емес журналисі үшін бір сағат, жарты сағатқа қосып берді. Жұмысшылар мені және телеоператор Ағабек Қазанбайды әбден боқтаған шығар-ақ. Жұмыс істеп тұрған жалғыз «Ордабасықұс» құс кешені» түйетауықтарды бұрқылдатып-шырқылдатып конвейермен сойып жатыр. Бұдан былай «құс еті – халал» дегенге өз басым куәлік бере алмаймын.

Сүгіреттер лағып кетті. Бір-екі айдың ішінде дизаайнерлік қабілетімнен айрылып қаппын. 🙂

15 пікір (+add yours?)

  1. meirzhan
    Там 09, 2011 @ 21:35:51

    Иә, соңғы кезде вордпрессте белсенділік байқайлмайды. Көбі не блогтың ашылғанын білмейді, не демалыста, не басқа блог-платформаларға көшіп кетті.
    Жұмысқа қайта келуіңізбен құттықаймын. Сақалды дамдарды көрсетпеу, діни секталардың әрекетін жасыру, жалпы дін атаулы тақырыпты айналып өту мемлекеттік телеарналардың саясатына айналғандай. «Бар нәрсені жоқ деу нағыз надандық» деген қанатты сөзді ұмытпау керек.

    Жауап беру

  2. Өркен
    Там 09, 2011 @ 22:11:49

    Қызық жазба болыпты, жеңіл оқыдым! Расында, блогшылар қайтадан Уордпреске жиналайық та, бірақ оның қайтадан жабылып қалмасына кепілдік бермеймін бірақ))))

    Жауап беру

  3. urimtal
    Там 10, 2011 @ 00:58:46

    Уайымдайтын түгі де жоқ. Жаз айында барлық елде блогосферада осындай мимырттық байқалады. Түсінбей қалдым, Ереке. Қайтадан жұмысқа орналастың ба? Сол бұрынғы жерге ме?

    Жауап беру

  4. vkototy
    Там 10, 2011 @ 04:07:18

    Жазба ретті,жақсы жазылыпты. Иә,блогшылар ауылы қайта түлегендей болып жатырмыз. Уордпрестің жабылғаны біраз шабытымызды алып кеткендей ме, пост жазарда тосыңқырап қалғандай әсерде болдым…Дегенмен, блогшылардың қайта қауышқаны көңіл қуантады. Алайда,біразы жазғы демалыста, каникулда деген сияқты, енді алла қаласа, қыркүйекте табыса жатар қалғаны. «Жазыңыздар!»-деп,қояйыншы мен де…

    Жауап беру

  5. zhazular
    Там 10, 2011 @ 05:57:38

    «Билік басындағы ағалар қайда қарап отыр? Бәріне Назарбаев кінәлі!» (астапыралла).

    осындай пікірдегілер өртейді! 🙂 хе хе хе

    Жауап беру

  6. Гулжайнат Бекен
    Там 11, 2011 @ 04:56:07

    Керемет! жазамыз жогалмадык! Тек жииииыыыырмммааааа кун демалғанымыз болмаса….
    қызықты әрі күлкілі жазылыпты әсіресе Наз туралы обзацыныз….

    Жауап беру

  7. Жандос Байділда
    Там 12, 2011 @ 11:47:31

    Ерлан, жаман қыртыпсың ғой.Айқын мен Мәдинада нең бар.Бірақ, оқып риза болдым.Бір «жыртылып» алдым.

    Жауап беру

  8. Қазақия
    Там 13, 2011 @ 11:00:24

    РУсланның суреті мен Сенің көлігіңнің суреті күштті екен!

    Жауап беру

  9. Бекхэмге гашык ару
    Там 19, 2011 @ 20:41:47

    Адамдар осындай умный тіркестерді қайдан табады екен. Уақытында журфакқа түспегенім жақсы болыпты, а то қазір жұмыссыз жүрген «журналистердің» қатарында жүретін едім. Мынадай умный сөздерді айта алсам да, жаза алмаймын дегенім ғой.
    P.S. Айтпақшы, Ерлан, блогынды енді тек оқып қана қоймай, пікір жазып тұруға да уәде беремін.

    Жауап беру

  10. Гәкку
    Там 25, 2011 @ 06:16:17

    Мақпал әже 🙂

    Жауап беру

  11. Фариза
    Там 25, 2011 @ 12:50:02

    өте қызықты! Енді Ерлан аға, тойдағы фотоларды жарияласаңыз нұр үстіне нұр болар еді.(Русланның әйелінің суретін көріп қалайық дегенім ғой:))

    Жауап беру

  12. sportstan
    Там 31, 2011 @ 14:38:18

    Мәәә, Ерлан! Бәрінен бұрын Мақпалға берген анықтамаңа жарылып отырмын! жасандылықтанушы….. хехехехехехехехе

    Жауап беру

  13. Abay Otar
    Қыр 07, 2011 @ 14:20:38

    Мына жазба жақсы жазылыпты

    Жауап беру

Пікір қалдыру

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Өзгерту )

Google photo

You are commenting using your Google account. Log Out /  Өзгерту )

Twitter picture

You are commenting using your Twitter account. Log Out /  Өзгерту )

Facebook photo

You are commenting using your Facebook account. Log Out /  Өзгерту )

Connecting to %s

%d bloggers like this: